Azərbaycan.media xəbər verir ki, psixoloqlar gündəlik həyatdakı xırda, amma zərərli vərdişlərin insanın əhval-ruhiyyəsinə, sağlamlığına və məhsuldarlığına mənfi təsir göstərdiyini vurğulayır.
Mütəxəssislərin qeyd etdiyinə görə, belə vərdişlər arasında aşağıdakılar xüsusilə diqqət çəkir:
-
Oyanan kimi telefonu yoxlamaq – daxili bioloji ritmləri pozur və beyin artıq stress siqnalı alır.
-
Ayaqüstü qəlyanaltı etmək – mədə və həzm sistemi tam hazır olmadan işləyir, həzmi zəiflədir.
-
Komputer qarşısında yanlış oturuş – baş ağrılarına və diqqətin azalmasına səbəb olur.
-
Çox isti çay içmək – boğaz və qida borusunun selikli qişasına ziyan vurur.
-
Qulaqlıqlardan həddindən artıq istifadə – eşitmənin tədricən zəifləməsinə gətirib çıxarır.
-
İşləri daim sonraya saxlamaq – günahkarlıq hissi yaradır və fiziki yorğunluğu artırır.
-
Ayaq üstə ayaq aşıraraq oturmaq – qan dövranını pozur və keyiməyə səbəb olur.
-
Tez yemək yemək – orqanizm doyduğunu anlamır, artıq yeməyə gətirib çıxarır.
-
Sosial şəbəkələrdə davamlı müqayisə etmək – özünəinamı zəiflədir.
-
Həddindən artıq tez-tez üzr istəmək – özünə inamsızlıq yaradır.
-
Fasiləsiz işləmək – məhsuldarlığı azaldır, beynin aydın qalması üçün qısa fasilələr lazımdır.
-
Hər şeyi nəzarətdə saxlamaq vərdişi – emosional tükənməyə səbəb olur.
Psixoloqlar bildirirlər ki, gündəlik həyatdakı bu “kiçik” vərdişlər uzun müddətdə böyük problemlərə səbəb ola bilər. Hər kəs diqqətli olmalı və gündəlik davranışlarını sağlamlıq və məhsuldarlıq baxımından nəzərdən keçirməlidir.