Azərbaycan.media xəbər verir ki, Volodimir Zelenski Almaniyada keçirilən Münhen Təhlükəsizlik Konfransında Jens Stoltenberg ilə görüşüb. Görüşdə Ukraynaya hərbi dəstək məsələləri müzakirə olunub.
V. Zelenski bildirib ki, müzakirələr zamanı Ukraynanın hava hücumundan müdafiə sistemləri üçün raket tədarükünü dəstəkləyəcək təşəbbüslərin maliyyələşdirilməsi nəzərdən keçirilib. O, Ukraynanın müdafiə qabiliyyətinin gücləndirilməsi üçün beynəlxalq əməkdaşlığın vacibliyini vurğulayıb və tərəfdaş ölkələrin verdiyi dəstəyə məmnunluğunu ifadə edib.
Görüşdə həmçinin Avropada birgə müdafiə təşəbbüsləri və Ukraynanın mülki əhalisini qorumaq imkanlarının artırılması məsələləri də gündəmə gətirilib. Zelenski qeyd edib ki, Ukrayna Müdafiə Əlaqə Qrupunun iclasında tərəfdaş ölkələr 38 milyard avro məbləğində hərbi yardım paketini təsdiqləyiblər və bu, ölkənin müdafiə imkanlarının gücləndirilməsi baxımından mühüm addımdır.