Azərbaycan.media xəbər verir ki, 2026-cı ildə parolların əvəzinə barmaq izi, üz tanıma, baxış skanları və cihazlara inteqrasiya olunmuş virtual açarlardan istifadə genişlənəcək. Bu yeniliklər sayəsində “Şifrəmi unutdum” deyən insanların sayı əhəmiyyətli dərəcədə azalacaq.
Doğum tarixlərindən tutmuş ev heyvanlarının adlarına qədər müxtəlif səbəblərlə yaradılan parollar tez-tez unudulur. Bunun əvəzinə yeni texnologiyalar istifadəçi identifikasiyasını daha rahat və təhlükəsiz edir.
“Posta” qəzetinin texnologiya yazarı Murat Gülderen qeyd edib ki, biometrik və süni intellekt texnologiyalarının həyatımıza daxil olması ilə parol dövrü tarixə çevriləcək və təhlükəsizlik maksimum səviyyəyə çatacaq.