Azərbaycan.media xəbər verir ki, Gürcüstanda Diplomatiya Akademiyasının yaradılması ilə bağlı qərar qəbul edilib.
Bu barədə Gürcüstanın Baş naziri İrakli Kobaxidze açıqlama verib.
Hökumət başçısı bildirib ki, əsas məqsəd ölkənin diplomatik xidməti üçün yüksəkixtisaslı kadrların hazırlanmasıdır.
“Bizim vəzifəmiz diplomatik xidmətimiz üçün yüksəkixtisaslı kadrlar hazırlamaqdır. Bu da ölkəmizin xarici siyasət mövqelərinin daha da möhkəmləndirilməsi üçün vacibdir”, – deyə Baş nazir vurğulayıb.
İrakli Kobaxidzenin sözlərinə görə, yaradılacaq Gürcüstan Diplomatiya Akademiyası diplomatik xidmət sahəsində peşəkar mütəxəssislərin hazırlanmasına xidmət edəcək.
