Azərbaycan.media xəbər verir ki, hamiləlik zamanı dişlərin sürətlə xarab olmasının bətndəki körpənin anadan kalsium “oğurlaması” ilə bağlı olması barədə yayılmış fikir elmi əsaslara söykənmir.
Mütəxəssis Veronika Sidorkoviç bildirib ki, diş minasının qana kalsium ötürmək funksiyası yoxdur və orqanizmdə formalaşmış dişdən kalsiumun çıxarılaraq dölə yönləndirilməsini təmin edən heç bir bioloji mexanizm mövcud deyil.
Onun sözlərinə görə, hamilə qadınlarda dişlərin zədələnməsinin əsas səbəbi ağız boşluğunda yaranan aqressiv kimyəvi mühitdir. Hormonal dəyişikliklər nəticəsində tüpürcəyin pH balansı turşuluğa doğru dəyişir, qoruyucu fosfat və kalsiumun səviyyəsi azalır.
Bu fonda toksikoz zamanı baş verən qusma və turşu diş minasının kimyəvi aşınmasına — eroziyaya səbəb olur. Bundan əlavə, yorğunluq səbəbindən ağız gigiyenasına kifayət qədər diqqət yetirilməməsi və tez-tez qəlyanaltılar dişlərin sürətlə çürüməsi riskini artırır.
Ekspert vurğulayıb ki, bu proseslər fizioloji xarakter daşıyır və düzgün ağız baxımı, balanslı qidalanma və mütəmadi stomatoloji nəzarətlə onların qarşısını almaq mümkündür.