Azərbaycan.media xəbər verir ki, İsrailin Baş naziri Benyamin Netanyahunun sözçüsü Ziv Aqmon Mizrahi yəhudilərinə qarşı irqçi şərhlər səsləndirməsi və Baş nazir barədə tənqidi fikirlərinin yayılmasından sonra istefa verəcəyini bildirib.
Aqmon açıqlamasında yayılan sitatların həqiqi olduğunu etiraf edib. Bununla belə, o, həmin fikirlərin kontekstdən çıxarıldığını vurğulayıb.
O qeyd edib ki, təxminən iki il əvvəl dövlət sektorunda fəaliyyətə başlamaq qərarını şəxsi uğurlardan və maliyyə sabitliyindən sonra ölkəsinə xidmət etmək istəyi ilə verib. Aqmon bildirib ki, bu müddət ərzində müharibə, çətinliklər və böhranlı şəraitdə fasiləsiz çalışaraq gələcək nəsillər üçün daha yaxşı şərait yaratmağa səy göstərib.
Sözçünün istefa qərarının yaxın günlərdə rəsmiləşəcəyi gözlənilir.
