Azərbaycan.media xəbər verir ki, Qulu Məhərrəmli dünyanın ən qədim şəhərlərindən biri olan Romaya səfəri zamanı maraqlı təəssüratlarını bölüşüb.
O qeyd edir ki, şəhərə gəldiyi andan etibarən öz aləmində Yuli Sezar ilə sanki daxili bir dialoq qurur. Həyatını dərindən araşdırdığı imperatorun hərbi yürüşləri, siyasi manevrləri, hakimiyyət uğrunda apardığı mübarizələr, konsul kimi həyata keçirdiyi islahatlar, eləcə də Siseron tərəfindən bəyənilməyən yazıları və senatdakı fəaliyyəti onun gözləri önündə canlanır.
Qulu Məhərrəmli vurğulayır ki, Sezarın faciəli şəkildə qətlə yetirilməsi də bu tarixi tabloya əlavə olunan ən dramatik məqamlardan biridir. Onun sözlərinə görə, Kolizey başda olmaqla, Romanın hər addımı, hər küçəsi və hər abidəsi tarixlə nəfəs alır.
Müəllifin fikrincə, Roma təkcə bir şəhər deyil, başdan-ayağa canlı tarix hekayəsidir.
Mənbə: Azərbaycan.media