Azərbaycan.media xəbər verir ki, Ukrayna-nın Donetsk vilayətində Rusiya ordusunun atəşləri nəticəsində 5 nəfər, o cümlədən bir uşaq həlak olub, daha 12 nəfər yaralanıb.
Ukrayna Daxili İşlər Nazirliyi-nin məlumatına görə, Rusiya qüvvələri Kramatorsk rayonunu 11 dəfə atəşə tutub. Hücum zamanı biri uşaq olmaqla dörd nəfər həlak olub, dörd nəfər isə yaralanıb. Fərdi yaşayış evinə zərbə endirilməsi nəticəsində 8 yaşlı oğlan, onun 19 yaşlı əkiz qardaşları və 63 yaşlı qonşu həyatını itirib. Yaralananlar isə uşaqların anası və nənəsidir.
Bundan başqa, Kramatorsk rayonunun Çerkasskoye kəndində Rusiya tərəfindən PUA ilə endirilən zərbə bir nəfərin ölümünə, iki nəfərin yaralanmasına səbəb olub. Malotaranovka qəsəbəsində üç nəfər, Drujkovka şəhərində isə üç dinc sakin yaralanıb.