Azərbaycan.media xəbər verir ki, Rusiya Federasiyasının Krasnodar diyarı, Anapa şəhərində yerləşən Sənaye Texnikumunda baş vermiş atışma nəticəsində bir nəfər ölüb, üç nəfər yaralanıb.
Regional hakimiyyət və hüquq-mühafizə orqanlarının məlumatına görə, təhsil müəssisəsinin foyesində naməlum şəxs silahdan atəş açıb və saxlanılıb. İlk zərbəni üzərinə götürən mühafizəçi həlak olub.
Rusiya Daxili İşlər Nazirliyinin Krasnodar diyarı üzrə Baş idarəsinin mətbuat xidmətindən bildirilib ki, zərərçəkənlərdən ikisi orta ağır xəsarət alıb. Yaralılara tibbi yardım göstərilməsi üçün Anapanın tibb müəssisələri hazır vəziyyətə gətirilib, yaralıların sayı dəqiqləşdirilir.
Hadisə ilə bağlı prokurorluq tərəfindən araşdırma başlanıb, operativ xidmət əməkdaşları hadisə yerində işləyir.