Azərbaycan.media xəbər verir ki, 2026-cı ilin 9 mart tarixində keçirilən tam (11 illik) orta təhsil səviyyəsi üzrə buraxılış imtahanının nəticələri açıqlanıb.
Dövlət İmtahan Mərkəzinin məlumatına əsasən, imtahanda iştirakı nəzərdə tutulan 58 139 nəfərdən 393 nəfər müxtəlif səbəblərə görə iştirak etməyib, 12 nəfər isə qaydaları pozduğuna görə imtahandan xaric olunub.
Nəticələrə görə, imtahan iştirakçıları arasında 3 nəfər maksimum nəticə – 300 bal toplayaraq ən yüksək göstəricini əldə edib.
Onlar Abşeron rayonu Ceyranbatan qəsəbəsi 1 saylı orta məktəbin məzunu Həsənli Aydın Çingiz oğlu, Bakı şəhəri 289 saylı orta məktəbin (“Zəngi” liseyi) məzunu Qurbanov Muhammedali Əhməd oğlu və digər bir 300 bal toplayan iştirakçıdır.
Bundan əlavə, ADA məktəbinin ingilis dilində tədris alan məzunu Fərəcov Mikayıl Elşən oğlu 200 bal toplayaraq ən yüksək nəticə göstərib.
Qeyd edək ki, xarici dildə tədris aparılan məktəblərin məzunları yalnız 2 fənn (riyaziyyat və xarici dil) üzrə imtahan verdiyinə görə maksimal bal 200 olaraq müəyyən edilir.
