Azərbaycan.media xəbər verir ki, Nazirlər Kabinetinin 2004-cü il 9 yanvar tarixli 2 nömrəli Qərarı ilə təsdiq olunmuş “Büdcədən maliyyələşdirilən səhiyyə işçilərinin əməyinin ödənilməsi sistemi, növləri və məbləği”nə dəyişiklik edilib.
Müvafiq qərarı Baş nazir Əli Əsədov imzalayıb.
Dəyişikliyə əsasən, Səhiyyə Nazirliyinin tabeliyində fəaliyyət göstərən körpələr evlərinin işçilərinin Vahid Tarif Cədvəli ilə müəyyən edilmiş tarif (vəzifə) maaşlarına Nazirlər Kabineti tərəfindən müəyyən olunan qaydada 1,5–3 dəfə artım əmsalları tətbiq ediləcək.
