Azərbaycan.media xəbər verir ki, fevralın 19-da Bakıda və Abşeron yarımadasında hava şəraitinin dəyişkən buludlu, arabir tutulacağı, əsasən isə yağmursuz keçəcəyi proqnozlaşdırılır.
Milli Hidrometeorologiya Xidməti tərəfindən verilən məlumata görə, gecə və səhər saatlarında bəzi ərazilərdə duman müşahidə oluna bilər.
Cənub-qərb küləyi gündüz saatlarında arabir güclənən şimal-qərb küləyi ilə əvəzlənəcək. Havanın temperaturu gecə 4-7° isti, gündüz isə 18-23° isti təşkil edəcək. Atmosfer təzyiqi 753 mm civə sütunundan 761 mm civə sütununa qədər yüksələcək. Nisbi rütubət gecə 80-90 faiz, gündüz isə 65-70 faiz səviyyəsində olacaq.
Ölkənin rayonlarında isə hava şəraitinin şimal və qərb bölgələrindən başlayaraq bəzi yerlərdə arabir yağıntılı olacağı gözlənilir. Dağlıq ərazilərdə qar yağacağı ehtimal olunur. Ayrı-ayrı ərazilərdə yağıntıların intensivləşməsi mümkündür. Gecə və səhər saatlarında bəzi yerlərdə duman olacaq, qərb küləyi isə arabir güclənəcək.
Havanın temperaturu rayonlarda gecə 7-11° isti, gündüz 17-22° isti, dağlıq ərazilərdə isə gecə 4-8° isti, gündüz 8-13° isti təşkil edəcək.