Azərbaycan.media xəbər verir ki, Donald Trump İran hakimiyyətinə müraciət edərək edam cəzasına məhkum olunmuş səkkiz qadının azadlığa buraxılmasını istəyib.
O, bu addımın gələcək danışıqlar üçün mühüm zəmin yarada biləcəyini vurğulayıb. Tramp “Truth Social” sosial şəbəkəsindəki paylaşımında qeyd edib ki, həmin qadınların sərbəst buraxılması onun nümayəndələri ilə Tehran arasında keçiriləcək mümkün görüşlər üçün müsbət başlanğıc ola bilər.
Son illərdə İranda daxili etirazlarla əlaqədar edam hökmlərinin artması beynəlxalq ictimaiyyət, xüsusilə Vaşinqton tərəfindən ciddi tənqid olunur.
Bu müraciət Trampın ikinci prezidentlik dövründə İranla münasibətlərdə həm sərt təzyiq, həm də birbaşa diplomatiya xəttini paralel şəkildə tətbiq etməyə çalışdığını göstərir.
