Azərbaycan.media xəbər verir ki, Türkiyədə aparılan narkotik istintaqı çərçivəsində saxlanılan tanınmış aktrisa Ahsen Eroğlu barəsində məhkəmə qərarı açıqlanıb.
Aktrisa sərbəst buraxılsa da, onun ölkədən çıxışına qadağa qoyulub. Bu qərar istintaq tədbirləri başa çatana qədər qüvvədə olacaq.
Qeyd edək ki, Ahsen Eroğlu son olaraq Deha serialında canlandırdığı rolla tamaşaçıların diqqətini cəlb edib. Onun iştirakı ilə ərsəyə gələn layihələr Türkiyə televiziya sənayesində geniş maraq doğurur.
Hadisə ilə bağlı araşdırmalar davam edir və rəsmi qurumların əlavə açıqlama verəcəyi gözlənilir.
