Azərbaycan.media xəbər verir ki, Milli Məclisin yaz sessiyası üzrə növbəti plenar iclası başlayıb.
Məlumata görə, iclasın gündəliyinə Azərbaycan ilə Belarus arasında sürücülük vəsiqələrinin qarşılıqlı tanınması haqqında sazişin təsdiqi də daxil olmaqla, ümumilikdə 11 qanun layihəsi daxil edilib. Bu barədə Report informasiya yayıb.
Plenar iclasa parlamentin sədri Sahibə Qafarova sədrlik edir.
Qeyd edək ki, müzakirəyə çıxarılan sənədlər ölkənin hüquqi bazasının təkmilləşdirilməsi və beynəlxalq əməkdaşlığın genişləndirilməsi baxımından mühüm əhəmiyyət daşıyır.
