Azərbaycan.media xəbər verir ki, Cənubi Koreya Prokurorluğu keçmiş prezident Yun Sok Yola qarşı yeni ittihamlar irəli sürüb. Bu barədə məlumatı “Yonhap” agentliyi yayıb.
Xəbərə görə, Yun Sok Yo vəzifə səlahiyyətlərindən sui-istifadədə və düşmən dövlətə, yəni Şimali Koreyaya kömək etməkdə ittiham olunur.
Müstəntiqlərin fikrincə, keçmiş prezident ötən ilin oktyabrında Pxenyana pilotsuz uçuş aparatları (PUA) zərbələri endirməyi əmr edib. Bu zərbələr Pxenyan yaxınlığında qəzaya uğrayıb və ittiham tərəfinin iddiasına görə, nəticədə hərbi sirlərin sızmasına səbəb olub. Məqsəd isə Şimali Koreyanı hərbi əməliyyata təhrik etmək və bununla da hərbi vəziyyətin elan edilməsi üçün bəhanə yaratmaq olub.
Mütəxəssislər bildirir ki, Şimali Koreyaya kömək ittihamı üçün qonşu dövlətlə sövdələşmənin faktiki və ya sübut olunması tələb olunmur; ittiham ölkənin hərbi maraqlarına vurulan istənilən zərərə aid edilir.
Eyni zamanda, keçmiş müdafiə naziri Kim Yon Hyun və Silahlı Qüvvələrin Əks Kəşfiyyat Komandanlığının keçmiş rəhbəri Yo İn Hyun da bu cinayətdə ittiham olunub.