Azərbaycan.media xəbər verir ki, Azərbaycan Dövlət Simfonik Orkestrinin baş dirijoru, Xalq artisti Rauf Abdullayevin səhhəti ilə bağlı yeni məlumat açıqlanıb.
Dirijorun həyat yoldaşı Munisa Abdullayeva Teleqraf-a açıqlamasında bildirib ki, Rauf Abdullayevin vəziyyəti stabildir və müalicəsi Bakı Sağlamlıq Mərkəzində davam edir:
“Həyat yoldaşımın səhhəti yaxşıdır. Bakı Sağlamlıq Mərkəzində müalicəsi davam edir. Həkimlərə təşəkkür edirəm.”
Qeyd edək ki, 88 yaşlı Rauf Abdullayev halsızlıq, yüksək şəkər və sağ bud-çanaq nahiyəsində ağrılar səbəbindən klinikaya yerləşdirilib.