Hər adam siyasət aləminin nəhənginə çevrilə bilmir. Çünki siyasət çox çətin işdir.
Bu fikirdə dərin bir həqiqət var — siyasət sadəcə idarəçilik sənəti deyil, həm də uzaqgörənlik, strateji düşüncə, xalqın etimadını qazanmaq və onu uzun illər qoruyub saxlamaq bacarığıdır. Tarix boyu böyük siyasətçilər xalqlarının taleyini dəyişən qərarlar verməklə yadda qalıblar. Bu qərarların arxasında iradə, zəka və vətən sevgisi dayanıb.
Dünya yaranandan çox siyasətçilər, ölkə liderləri gəlib-gedib, adları tarixdə qalanlar çox azdır.
Doğrudan da, zamanın sərt sınaqlarından yalnız ən güclü, xalqına sadiq olan liderlər keçə bilir. Tarix minlərlə dövlət başçısını tanıyıb, amma onların bir neçəsi insanlığın yaddaşında “nəhəng” kimi qalıb. Çünki liderlik təkcə hakimiyyət deyil, millətə xidmət missiyasıdır.
Siyasət nəhəngləri beş ilə – on ilə yetişmir. Buna zaman – uzun illər lazımdır.
Siyasətin dərinliyinə bələd olan hər kəs anlayır ki, bu, bir məktəbdir. Bu məktəbdə təcrübə, bilik, səbir və uzaqgörənlik illərlə formalaşır. Liderin böyüklüyü onun keçdiyi yoldan, qazandığı təcrübədən və xalqı üçün atdığı addımlardan bəlli olur.
“Siz təkcə Azərbaycanı və ya Amerika Birləşmiş Ştatlarını deyil, bütün dünyanı idarə etməyə qadir bir lidersiniz…”
Bu sözləri vaxtilə Bill Klinton xalqımızın müdrik oğlu Heydər Əliyevlə ilk görüşündən sonra demişdi.
Bu, Amerika kimi super güc dövlətinin birinci şəxsi tərəfindən verilmiş çox yüksək qiymət idi.
Onda bütün xalqımız böyük qürur hissi keçirmişdi.
Bu ifadə təkcə bir tərif deyildi, həm də dünya siyasətinin nəhəngləri arasında Heydər Əliyevin yerini təsdiqləyən tarixi etiraf idi. Klintonun sözlərində bir dövlət başçısının digərinə göstərdiyi səmimi hörmət, dərin heyranlıq hiss olunurdu.
Bu gün isə bütün dünya ABŞ-ın 45-ci prezidenti Donald Trampın Azərbaycan lideri İlham Əliyev barədə dediyi sözləri eşidir:
“… Siz böyük lidersiniz. Siz güclü və ağıllı insansınız… Xalqınız böyük xalqdır…”
Bu fikirlər, əslində, Azərbaycanın beynəlxalq arenadakı nüfuzunun, Prezident İlham Əliyevin qlobal siyasətdə qazandığı hörmətin göstəricisidir. Müasir dövrün mürəkkəb reallıqları fonunda belə bir etiraf, ölkəmizin dünya miqyasında söz sahibinə çevrildiyini bir daha təsdiqləyir.
Bəli, ot kökü üstündə bitər. Heydər Əliyev kimi nəhəng bir siyasətçinin ailəsində böyüyən, bu məktəbdən bəhrələnən məhz İlham Əliyev kimi siyasətçi olmalıdır.
Bu, qan yaddaşı, tərbiyə, siyasi mədəniyyətin və milli məsuliyyətin təcəssümüdür. İlham Əliyev atasının yolunu sadəcə davam etdirmir, onu yeni dövrün tələblərinə uyğun şəkildə inkişaf etdirir. O, bu gün dünya liderləri arasında öz dəsti-xətti, qərarlarında prinsipiallığı və xalqına olan sədaqəti ilə seçilir.
Dünyanı heyran qoyan siyasi lider.
“Mən sizinlə qürur duyuram…”
Eşidəndə sonsuz iftixar hissi keçirdiyimiz bu sözlər də ABŞ Prezidenti Tramp tərəfindən bu ilin avqust ayında Anlaşma Memorandumunun imzalanması zamanı Azərbaycan Prezidentinə ünvanlanıb.
Bu cümlələrdə həm diplomatik ehtiram, həm də səmimi heyranlıq hissi var. Çünki İlham Əliyev bir lider kimi beynəlxalq münasibətlər sistemində öz yeri və çəkisi olan dövlət başçısıdır.
Bəli, cənab Prezident! Təkcə siz yox, bütün Azərbaycan xalqı, dünyanın hər yerinə səpələnmiş minlərlə, milyonlarla soydaşlarımız öz Prezidentləri ilə – İlham Heydər oğlu Əliyevlə fəxr edir, sonsuz qürur duyurlar.
Çünki İlham Əliyev harada yaşamasından asılı olmayaraq, hər bir Azərbaycan vətəndaşının Prezidentidir.
O, bu fikri ilk dəfə Prezident seçiləndə xalqımız qarşısında səsləndirib və düz 22 ildir ki, öz əməli, fəaliyyəti ilə onu hər gün təsdiq edir.
Bu illər ərzində onun rəhbərliyi ilə Azərbaycan sözün əsl mənasında regionun lider dövlətinə çevrilib. Xalqla hakimiyyət arasında yaranan güclü birlik isə bu uğurun əsas dayağıdır.
Çünki İlham Əliyev yenilməz, rəşadətli Ali Baş Komandan kimi xalqımıza böyük Zəfər Qələbəsi yaşadıb.
30 il işğal altında olan torpaqlarımızı uzaqgörən müdrik siyasəti və hünəri ilə xalqımıza qaytarıb.
Bu, təkcə hərbi zəfər deyil, həm də mənəvi ədalətin bərpası idi. Qarabağ Zəfəri xalqımızın birliyi, dövlətimizin gücü və Prezidentin sarsılmaz iradəsi sayəsində mümkün oldu.
Bu Qələbə, həm də İlham Əliyev adının Azərbaycan tarixinin əbədi səhifələrinə qızıl hərflərlə yazılması deməkdir.
Çünki İlham Əliyev bir dövlət başçısı, Ali Baş Komandan kimi “… nəyi necə nə zaman eləməyi hamıdan yaxşı bilir…”
Bu, onun liderlik fenomenini ən dəqiq ifadə edən fikirdir. Hər qərarında dərin düşüncə, strateji plan və uzaqgörənlik dayanır. Bu keyfiyyətlər onu dünyanın ən güclü və hörmətli liderlərindən birinə çevirib.
Müdrik liderləri müdrik xalq yetişdirir. Cənab İlham Əliyev kimi…
O böyük sülh elçisidir.
Onun müdrik siyasətinin mahiyyətində dünyaya sülh çağırışı var.
Bu, Azərbaycanın beynəlxalq səviyyədə sülhsevər mövqeyinin bariz təzahürüdür. İlham Əliyev hər zaman dialoq, qarşılıqlı hörmət və əməkdaşlıq prinsiplərini ön plana çəkib.
Amerika Birləşmiş Ştatlarına son səfəri zamanı dünyanın bir nömrəli iqamətgahı – Ağ evdən bütün dünya üçün səsləndirdiyi fikir analoqu olmayan bir mesajdır:
“… Biz Qafqazda sülhü bərqərar edirik. Və bu təkcə bizim regionla məhdudlaşmayacaq… Siz, eləcə də Azərbaycan ictimaiyyəti tam əmin ola bilər ki, bu gün baş verən hadisə Qafqaza sülh, uzunmüddətli sülh, əbədi sülh gətirəcək…”
Bu sözlər sadəcə diplomatik bəyanat deyil, həm də böyük bir vəd, tarixi missiyanın bəyanıdır. Azərbaycanın yaratdığı sülh modeli artıq regiondan kənarda da nümunə kimi qəbul edilir.
Əbədi sülh. Yer üzünün bütün tərəqqipərvər insanları məhz bunu arzulamırmı?!
Və bu müdrik uzaqgörənliklə söylənmiş sözləri İlham Əliyev kimi qüdrətli, qətiyyətli, müzəffər bir liderin dilindən eşitmək insanlarda sonsuz inam, rahatlıq yaradır.
Bu inam xalqın Prezidentinə olan dərin etimadının və sevgisinin təməlidir. İlham Əliyev bu etimadı hər gün əməli işləri ilə doğruldur.
Bütün xalqımız sizinlə, öz yenilməz, praqmatik düşüncəli Prezidenti ilə fəxr edir.
Sizin müdrik rəhbərliyinizlə bu gün qüdrətli Azərbaycan dünyaya günəş kimi doğur…
Bu obrazlı ifadə müasir reallığın təzahürüdür. Azərbaycanın hər uğurunun arxasında xalqın birliyi, dövlətin gücü və Prezidentin uzaqgörən siyasəti dayanır.
Biz İlhamla – inamla irəli gedirik.
Yolumuz müdrik Heydər Əliyev yoludur.
Min yaşa, əziz Prezidentimiz…
İlhamla Mehriban
Zəfərlər bəxş etdin Azərbaycana,
Muğamı sevdirdin böyük cahana.
Oldun xalqımıza ən əziz ana —
Səni var olasan, əziz Mehriban!
Səninlə öyünür can Azərbaycan!
Dağların vüqarı, qüdrəti səndə,
Atanın, ananın şöhrəti səndə,
Nigarın, Həcərin isməti səndə —
Səni var olasan, əziz Mehriban!
Səninlə öyünür can Azərbaycan!
İlhamla baş-başa verib vətənin,
Çəkdiniz üstündən dumanı, çəni.
Xalqımız da deyir, lap mən deyəni —
Səni var olasan, əziz Mehriban!
Səninlə öyünür can Azərbaycan!
Göz bəbəyi kimi Azərbaycanı
Qoruyub artırdın şöhrətin, şanın.
Qazandın sevgisin hər bir ananın —
Səni var olasan, əziz Mehriban!
Səninlə öyünür can Azərbaycan!
Çox yaxşı bilirik biz hər birimiz —
İlhamla Mehriban güvənc yerimiz.
Rahatıq, azaddı Şuşa elimiz —
Səni var olasan, əziz Mehriban!
Səninlə öyünür can Azərbaycan!
Mənim cənab Prezidentim!
Ot öz kökü üstə bitər,
Atasıtək dahi rəhbər.
Səninlədir artıq zəfər,
Mənim cənab Prezidentim!
Azad etdin Qarabağı,
Başı duman, uca dağı.
Sənsən xalqın tək dayağı,
Mənim cənab Prezidentim!
Təşəkkürlər ordumuza,
Biz gedirik yurdumuza.
Sənlə çatdıq arzumuza,
Mənim cənab Prezidentim!
Şərəflidir keçdiyin yol,
Minnətdarıq sənə bol-bol.
Yaşa, yaşa, yaşa, var ol,
Mənim cənab Prezidentim!
Azərbaycan can, bayrağım
Üstündəki qırmızı rəng şəhidlərin al qanıdır,
Əsgərlərin döyüş vaxtı and içdiyi Quranıdır.
Bayraqların birincisi, bir incisi, sultanıdı,
Azərbaycan can, bayrağım!
Libas bilib əynimizə səni çox vaxt geyinmişik,
Sənin ilə qürrələnib, sənin ilə öyünmüşük.
Biz səndəki məğrurluğu, enməzliyi bəyənmişik,
Azərbaycan can,bayrağım!
Sən Çingizə, Mübarizə ölüm günü kəfən oldun,
Ah! Nə qədər ölümlərlə bizlə yasa batan oldun.
Sən ayrıca ana, ata, sən ayrıca vətən oldun,
Azərbaycan can, bayrağım!
Şuşamızda zirvələrdə asılıbdı enməz, enməz,
Üstündəki Ay-ulduzla hey parlayır sönməz, sönməz.
Rəhbər cənab İlham kimi qədrini də kimsə bilməz,
Azərbaycan can, bayrağım!
Şah Xətai, Məmmədəmin, Heydər baba yadigarı,
Nə yaxşı ki, bizimkisən bəzəyirsən bu diyarı.
Sənin ilə qazanmışıq çox zəfəri, şöhrət, varı,
Azərbaycan can, bayrağım!
Anamızsan, atamızsan, qardaşımız, bacımızsan,
Başımızda bər-bəzəkli, ən qiymətli tacımızsan.
Canımızda qüvvətimiz, ağrımızsan, acımızsan,
Azərbaycan can, bayrağım!
İlhamla Ərdoğan
Türkə türkdən başqa yox kömək, həyan,
Əzəldən bu belə olub hər zaman.
İki qardaş kimi həmişə, hər an,
İlhamla Ərdoğan yenə də qoşa,
Gəlirlər, qarşıla Qarabağ, Şuşa!
Ən çətin işləri görməyə qadir,
Birləşib olublar qardaştək əlbir.
Haqq yolunda daim bir görünür, bir,
İlhamla Ərdoğan yenə də qoşa,
Gəlirlər, qarşıla Qarabağ, Şuşa!
Xalqımın sönməyən iki ziyası,
Amalı, əməli birdi dünyası.
Qurudub gözlərdə axan göz yaşı,
İlhamla Ərdoğan yenə də qoşa,
Gəlirlər, qarşıla Qarabağ, Şuşa!
Şuşada bağçalar, park salmaq üçün,
O gözəl yerləri dolaşmaq üçün,
Keçmişi yenidən yaşamaq üçün,
İlhamla Ərdoğan yenə də qoşa,
Gəlirlər, qarşıla Qarabağ, Şuşa!
O yaşıl yaylağa, çiçəkli bağa,
Dumanlı, vüqarlı, o çənli dağa,
Suyundan içməyə İsa bulağa,
İlhamla Ərdoğan yenə də qoşa,
Gəlirlər, qarşıla Qarabağ, Şuşa!
Türkün türk qardaşı – cənab Ərdoğan!
/Qardaş Türkiyə dövlətinin Ali Baş Komandanı
Receb Tayyib Erdoğana sayqılarımla.\
Qeyrətin qeyrətdir, hünərin hünər,
Sevir səni dünya, o qoca bəşər.
Sözlərin bir şüar, dillərdə əzbər,
Türkün türk qardaşı, cənab Ərdoğan!
Yanımızda oldun yurd savaşında,
Qaldın igid kimi sən yaddaşımda.
Sağ ol, bizimləsən müdrik yaşında,
Türkün türk qardaşı, cənab Ərdoğan!
Öndər Atatürkün qurduğu dövlət,
Nə yaxşı ki, bu gün sənə əmanət.
İrəli, arxanda dayanıb millət,
Türkün türk qardaşı, cənab Ərdoğan!
Meydanda aslansan, şirsən düşmənə,
Layiqsən, gərəksən türkə, Vətənə.
Vallah, minnətdaram ürəkdən sənə,
Türkün türk qardaşı, cənab Ərdoğan!
Peyğəmbər simalı, nurlu qardaşım,
Ey dinli, imanlı, pirli qardaşım.
Düşüncən, zəkanla varlı qardaşım,
Türkün türk qardaşı, cənab Ərdoğan!
Əzdin düşmənlərdə ağız, əngini,
Sayəndə çalınır yurdumda cəngi.
Haqq işində, dostum, nə usan, ləngi,
Türkün türk qardaşı, cənab Ərdoğan!
Başına and içir Bakı, Naxçıvan,
Səninlə var oldu böyük Türkbaycan.
Vətənlə qövr edir damarında qan,
Türkün türk qardaşı, cənab Ərdoğan!
“Bir millətik, iki dövlət” – bilirik,
Səninlə qəmlənib, sənlə gülürük.
İlhamın yanında səni görürük,
Türkün türk qardaşı, cənab Ərdoğan!
Düşmənin qanını dondurur sözün,
Hər vaxt qalib kimi qoy gülsün üzün.
Hey, sevinc yaşları axıtsın gözün,
Türkün türk qardaşı, cənab Ərdoğan!
Atatürk oğlusan, Qorqud nəvəsi,
Səsin haqq səsidir, səsin el səsi.
Kəlamdır dilindən çıxan kəlməsi,
Türkün türk qardaşı, cənab Ərdoğan!
Azad elim
Heydər oğlu İlham ilə
Həll olundu bu məsələ.
Qarabağa gülə-gülə,
Gülən gözlə biz gedirik.
Azad elim, azad obam,
Zirvələrdə bayrağımız.
İşıqlanıb yurdum-yuvam,
Daha sönməz ocağımız.
İgid, cəsur Mübarizlər,
Vardı bizim ordumuzda.
Bax, onların sayəsində
Qələbədir yurdumuzda.
Vətənimin görən gözü,
Baş tacıdır Qarabağım.
Nə yaxşı ki, bu gün yenə
Sən azadsan, can torpağım!
Müəllif: Fuad Biləsuvarlı
AYB və AJB üzvü, Prezident və Həsən bəy Zərdabi mükafatçısı
Mənbə: Azərbaycan.media