Azərbaycan.media xəbər verir ki, Əmək və Əhalinin Sosial Müdafiəsi Nazirliyinin tabeliyində olan Dövlət Sosial Müdafiə Fondu tərəfindən oktyabr ayına aid bütün sosial ödənişlər tamamlanıb.
Nazirlikdən verilən məlumata görə, oktyabrın 10-da Bakı və Sumqayıt şəhərləri, Abşeron rayonu və Naxçıvan Muxtar Respublikası üzrə pensiyalar ödənilib. Oktyabrın 21-də ölkənin digər bölgələrində yaşayan pensiyaçıların və güzəştli şərtlərlə pensiya alan şəxslərin ödənişləri həyata keçirilib.
Bu gün isə oktyabr ayına dair müavinət, təqaüd və ünvanlı dövlət sosial yardımları tam şəkildə ödənilib.