ABŞ-ın vitse-prezidenti Ceyms Devid Vens İsrailin baş naziri Benyamin Netanyahudan Qəzzada atəşkəs üçün şans verməsini xahiş edib.
Azərbaycan.media-nın məlumatına görə, bu barədə İsrailin “Kanal 12” televiziyası xəbər yayıb.
Görüş zamanı Vens Netanyahuya Qəzzanın yenidən qurulmasında çətinliklərin olduğunu bildirib:
“Qəzzanın yenidən qurulması və HƏMAS-ın İsrail üçün təhlükə yaratmamasını təmin etməkdə çətinliklər var. Müqaviləyə şans verərək işləri həll etmək üçün bizə zaman yaradın,” – deyə o bildirib.
Məlumata görə, Netanyahu da Vensə atəşkəs razılaşmasının uğurlu olmasını istədiyini bildirib. Yüksək rütbəli ABŞ rəsmisinin sözlərinə görə, Netanyahu atəşkəsin qorunub saxlanması üçün növbəti addımlara hazırdır.