Azərbaycan.media xəbər verir ki, Cons Hopkins Universitetinin alimləri bakteriyaların immun sistemini gücləndirmək üçün “yatmış viruslar”dan necə istifadə etdiyini ortaya çıxarıblar. Molekulyar bioloq Joşua Modellin rəhbərlik etdiyi tədqiqat qrupu bu mexanizmin adaptiv CRISPR müdafiə sistemi ilə əlaqəsini araşdırıb.
CRISPR sistemi bakteriyalara virus DNT-sinin kiçik fraqmentlərini – speyserləri – genetik yaddaşa daxil etməyə imkan verir. Bu, gələcəkdə həmin virusla qarşılaşdıqda onu tanımaq və məhv etmək üçün “genetik peyvənd” rolunu oynayır.
Tədqiqat zamanı məlum olub ki, bakteriyalar yalnız “yuxuya gedə bilən” virusların – faqların – genetik materialını tutaraq genlərinə yerləşdirirlər. Bu proses zamanı xüsusi fermentlərdən istifadə olunur ki, bu da sonradan “genetik qayçı” texnologiyasında tətbiq edilir.
Alimlər hesab edirlər ki, bu kəşf amin turşusu müqavimətinin öyrənilməsi və yeni terapevtik strategiyaların hazırlanması üçün mühüm rol oynaya bilər.
