Misli Premyer Liqasının VII turu bir sıra qayda pozuntuları ilə yadda qalıb. Azərbaycan.media xəbər verir ki, “Zirə” ilə keçirilən qarşılaşmada qeydə alınan intizamsızlıq səbəbindən paytaxt təmsilçisi ciddi maliyyə cərimələri ilə üzləşib.
“Zirə” – “Neftçi” matçında cərimələr:
“Neftçi” klubunun 4 futbolçusunun sarı vərəqə alması səbəbindən klub 700 manat cərimələnib.
Azarkeşlər tərəfindən törədilən kütləvi iğtişaşlara görə 10 000 manat cərimə tətbiq olunub.
Komandanın məşqçisi Vəfadar Quliyev hakimin qərarına etiraz etdiyi üçün birbaşa qırmızı vərəqə alıb və buna görə 5000 manat cərimə ilə yanaşı, 2 oyunluq diskvalifikasiya cəzası alıb.
“Zirə” klubuna tətbiq edilən cərimələr:
Futbolçu Ayron Qomis ikinci sarı vərəqə ilə meydandan kənarlaşdırıldığı üçün 1 oyunluq cəza alıb.
VAR maşını ətrafında təhlükəsizlik tədbirlərinin tam təmin olunmaması səbəbindən klub 1500 manat cərimələnib.
Digər qarşılaşmalarda cərimələr:
“Sumqayıt” – “Turan Tovuz” matçında ev sahibi komandanın 4 futbolçusu sarı vərəqə aldığı üçün klub 700 manat cərimə ödəyəcək.
“Qəbələ” – “Şamaxı” oyununda isə qonaq komandanın 4 futbolçusu sarı vərəqə ilə cəzalandırıldığı üçün “Şamaxı” klubu da 700 manat cərimələnib.
Qeyd Azərbaycan Peşəkar Futbol Liqası qayda pozuntularına qarşı sərt intizam tədbirləri tətbiq etməklə liqada nizam-intizamın qorunmasına çalışır. Klublara tövsiyə olunur ki, həm texniki heyət, həm də azarkeşlər davranış qaydalarına riayət etsinlər.